طارق النهري: إيه المشكلة إن ياسمين عبد العزيز والعوضي يكملوا مع بعض
تحدث الفنان طارق النهري عن كواليس دوره في مسلسل "ضرب نار" قائلا: "جون قريب من شخصية طارق فكان لذيذ وكنت لسه خارج من شخصية حمادة فتح الله الشخصية المنكسرة الضعيفة اللي مش عارف يتصرف اللي شخصية تانية تماما اللي هو جون بيضرب نار وبيموت وبيشتري الناس والشخصية كانت ثرية".
وتحدث عن علاقته بأحمد العوضي والفنانة ياسمين عبد العزيز في تصريحات تليفزيونية مع الإعلامي شريف عبد الرؤوف عبر قناة الشمس: "لذيذ جدا وتحس أنه صاحبك أوي وانت لسه متعرفوش وقريب من القلب وياسمين من الممثلات اللي بعشقها كممثلة وكإنسانة وكنت سعيد جدا بتواجدي للإتنين دول وسر من أسرار نجاحي إني كنت بشتغل مع ناس بحبها اوي أنا معرفش اشتغل مع ناس مبحبهمش".
وكشف عن رأيه في انتقادات الجمهور لهمها في عملهما معا: "ايه المشكلة يعني هو فنان كبير وهي فنانة كبيرة والعمل كان حلو أوي ايه المشكلة شايف إنهم عاوزين جدل ف ايه حاجه بدون لأزمة بصراحة، أنا ضد الموضوع ده وعاملين عمل حلو اوي ليه لا وبعدين عوضي هيشتغل لوحده لأنه نجم كبير وياسمين طول عمرها نجمة".
