أسما شريف منير توجه رسالة لطليقها.. اعرف الحكاية

كتبت أسما شريف منير رسالة لطليقها ووالد إبنتها محمود السكري، وذلك على حسابها الشخصي بموقع الصور الشهير إنستجرام.

ونشرت أسما شريف منير مجموعة من الصور التي تجمعها بطليقها وابنتها لارا، وذلك عبر حسابها على موقع إنستجرام، وكتبت معلقة: "الأب المحترم، السند والضهر، دي ذكريات بحوشهالك عشان تعرفي قد ايه باباكي راجل وأب حقيقي بمعنى الكلمة، واقف مهتم بكل خطوة كأنه كأس العالم، لازم أديك حقك عشان الناس تتعلم منك يعني ايه انفصال محترم وتحضر ووجود في حياة ولادنا".

وأضافت: "ربنا يبارك في عمرك ويخلينا ليها دايمًا لعبتي حلو أو ي النهاردة حقيقي فخورة بيكي، ربنا يحفظك يا نور عيني".

وفي وقت سابق قالت أسما شريف منير في بث مباشر لها على حسابها الشخصي بموقع الصور الشهير إنستجرام: "من ساعة اللي حصل في غزة وأنا خدتها عند مع نفسي والتزمت بالصلاة وبقالي 15 يوم ملتزمة وقللت خروجي جدًا ودي حاجة مريحاني جدًا، وكل مرة الصلاة بتريحني، ونفسي انتظم على الصلاة لغاية ما أموت".

وأضافت: "الواحد يلتزم في الصلاة الأول وبعدين يغطي شعره، نفسي أعمل كده وربنا يهديني للحجاب وأنا خايفة أعمل حاجة تكون مثال مش كويس للحجاب، ودايمًا الواحد لما بيبدأ في الخيط الأولاني مينفعش تنفره في الحاجة، ولازم دايمًا لما تشوف حد بيعمل حاجة ساعده وادعيله بالهداية، ولو أنت شايف حد أبو لهب افتح نفسه على الدين، واقتضى بالرسول عليه الصلاة والسلام".

وتابعت: "بعد ما التزمت بالصلاة حسيت إني ممكن أموت عادي، أنا دايمًا خايفة من الموت لأني دايمًا حاسة إن ناقصني حاجات كتير قوي ومش عارفة هقف إزاي قدام ربنا، خايفة أموت وأنا مش جاهزة ربنا يثبتني على الصلاة دايمًا والواحد نفسه السيئة والشيطان ساعات كتير بيدمر العلاقة اللي بيني وبين ربنا، وبحس إني لما بصلي بكون هادية وربنا هاديني وفي حد في ضهري ومفيش حد هيأذيني وعندي ثقة إن ربنا معايا".