صفية العمري: «مصطلح السينما النظيفة بيعصبني والمشكلة في الشباب السوشيال ميديا»
تصدرت الفنانة صفية العمري تريند جوجل، وذلك بعدما كشفت عن رأيها في مصطلح السينما النظيفة، مشيرة إلى أن هذا المصطلح يجعلها تنفعل كثيرًا.
وتابعت خلال لقاء لها مع برنامج "حبر سري": «الكلمة نفسها وحشة، ومهينة، يعني إيه السينما النظيفة وغير النظيفة، السينما فن راقي وبتقدم مواضيع فيها فن وتجارة، الكلمة نفسها معصباني جدًا وشايفاها عيب، مقدرش أعلق عليها لأنها عيب».
وأضافت:«المشاهد اللي كانت بتتقدم في أفلام الأبيض والأسود عمرك شوفتي حد بيعلق عليها تعليق مش كويس، الفنانات زمان كانوا بيلبسوا ملابس شيك وكانت حاجة محدش بيعلق عليها بشكل غير أخلاقي، لكن المجتمع اتغير للأسف».
واستكملت: «أنا صعبان على الشباب، فين الثقافة، وفين الكتاب والمزيكا، فين الشباب اللي كانوا بيروحوا المراكز الثقافية، أكبر مصيبة جت في الكون هي السوشيال ميديا».
