موقف شجاع.. رضوى الشربيني تشيد بموقف هند صبري بعد استقالتها من منصب سفيرة النوايا الحسنة

حرصت الإعلامية رضوى الشربيني على الإشادة بقرار الفنانة هند صبري، بعدما استقالت من منصبها كسفيرة للنوايا الحسنة ببرنامج الأغذية العالمي، وجاء قرارها دعمًا للقضية الفلسطينية.

وتحدثت رضوى الشربيني خلال تقديم برنامجها هي وبس عبر شاشة قناة CBC سفرة، قائلة: "في خلال المشوار الطويل وطوال الـ47 يوم لو أنا عديتهم صح، كل واحد فينا كان له موقف مختلف عن الآخر، وكل واحد لينا كان له طريقة في التعبير والاعتراض، حد كان بيكتب منشور حد كان بيتكلم حد كان بيقطع صور معينة على الهواء، كل واحد كان بيشجوا بطريقة صعبة وقوية، وفيه ناس عملت أكتر من كده بشوية ومنهم الفنانة هند صبري اللي قررت التنحي عن دورها كسفيرة للنوايا الحسنة لبرنامج الأغذية العالمي، وموقفها موقف محترم وقوي جدًا وشجاع من ست قوية وشجاعة".

وتابعت: "هند كانت كتبت من أسبوعين كلمتين اتفهموا غلط والناس هاجمتها، والحقيقة إنها كان قصدها حماية المدنيين في غزة، لكن تم فهم المنشور بشكل خاطئ وقالوا عليها كلام غير لائق بالمرة وهند سكتت ومعلقتش كعادتها".

وأضافت: "إمبارح استقالت من منصبها ومش كتير بيعملوا كده وبياخدوا الموقف الحاسم الواضح أمام الناس كلها، برافو هند ونتمنى من كل الناس اللي عندها صوت عالي وشهرة وقوة الكلمة أنها تاخد نفس الطريق ده، الكلمة هتشكل ضغط والضغط ممكن يغير واقع".