تعليق مثير من عمرو أديب على فوز الأهلي ببرونزية العالم للأندية: في ناس مش لاقية نحاسية

علق الإعلامي عمرو أديب، على حصد الأهلي الميدالية البرونزية في بطولة كأس العالم للأندية، بعد فوزه على نظيره أوراوا الياباني، برباعية مقابل هدفين في مباراة تحديد المركزين الثالث والرابع.

حصد المارد الأحمر الميدالية البرونزية للمرة الرابعة في تاريخه، بعد فوزه على حساب نظيره أوراوا الياباني، برباعية مقابل هدفين.

وقال عمرو أديب خلال تصريحات تلفزيونية: اوعى حد ياخد منكم فرحتكم ويقولكم الفريق ضعيف او دي برونزية ، ومبروك للأهلاوية، الأهلي حقق انتصارا عظيما.

وتابع: شرف الكرة المصرية والإفريقية، الأهلي أثبت أنه فريق برونزي واللي يقولك برونزية، قل له يا عم دي في العالمية.

وأضاف : اللي يقولك جمهور الأهلي زعلان علشان البرونزية، قول له في ناس مش لاقيه لا برونزية ولا نحاسية، إحنا قاعدين هنا لا عارفين ناخد الذهبية ولا الفضية ولا حتى نحاسية، والأهلي جاب 4 أهداف النهارده.

وواصل: معلش هنصبر ونكافح، وإن شاء الله نصل لهذا المستوى، وندخل في السطلانة من أوسع أبوابها، لكن الأهلي والأهلاوية لازم يفرحوا بالبرونزية".

واختتم: لسه الأهلاوية بيتكلموا أن معندهمش مهاجم، هو المهاجم كان هيعمل إيه أكتر من كده، الأهلي قدم أداء مبهرا وعظيما، وظهر في أفضل حالاته، والمرة الجاية يحصد الفضية، جماهير الأهلي كانت تطمع في تحقيق ميدالية أفضل، ولكن القادم أفضل.