بعد هدفه أمام سيراميكا .. خالد الغندور يهاجم إمام عاشور بهذه الكلمات
علق خالد الغندور، نجم نادي الزمالك الأسبق، مساء اليوم الثلاثاء، على احتفال النجم إمام عاشور، صانع ألعاب النادي الأهلي الحالي، بعد هدفه أمام سيراميكا كليوباترا في نصف نهائي كأس السوبر المصري للأبطال، والمقامة في الإمارات.
ونشر خالد الغندور فيديو عبر حسابه الشخصي على «فيسبوك» وقال خلاله «قصة إمام عاشور بقى دمها تقيل أوي يا جماعة، في أفورة من الأهلاوية في تصييت إمام عاشور، كأنه أحسن لاعب في العالم».
وتابع: «وفي أفورة من الزمالكاوية في التقليل من إمام عاشور، وكأنه لاعب عادي ووشه نحس، الحقيقة إن إمام عاشور طول عمره لاعب كويس جدًا، إمكانياته وقدراته الفنية والبدنية عالية جدًا».
وواصل: «لكن الأفورة بقى دي حاجة مش طبيعية، والأهلاوية بيقطعوا في لما بيلعب وحش، والزمالكاوية شايفين إنه نحس على الأهلي، والإعلام كله صيت إمام عاشور امبارح بعد هدف الأهلي في سيراميكا كليوباترا».
وأضاف: «هو عمل إيه يا جماعة!؟، دا مجبش جول مارادوني ولا رقص الفرقة كلها مثلاً، بس الناس قالت لعيب ومنقذ وعالمي، هو كويس بس مش رهيب يعني وفظيع».
وأردف: «شوية يبقى إيمان عاشور، والناحية التانية قالوا دا نحس، وإمام بيتخانق مع كولر ومدرب المنتخب كمان، رغم إنه مفيد لمنتخب مصر بس بجد بلاش أفورة ولا تقليل من إمكانياته».
وأنهى حديثه قائلاً: «براحة شوية، إمام عاشور لاعب كويس، بس مش لاعب عالمي، لسه بدري عليه، ودور علي العقلية».
