صلاح سليمان: «رحيل محمد صبري خسارة كبيرة.. وأنا مدين له بالفضل»
أعرب لاعب الزمالك السابق صلاح سليمان عن حزنه العميق لرحيل الكابتن محمد صبري مؤكدًا أنه فقد “أحد أهم الناس اللي وقفوا جنبه في أصعب لحظات له.
وقال سليمان في تصريحات لراديو صوت الزمالك: الكابتن محمد صبري كان أكتر من مجرد نجم في الزمالك كان أخ كبير كان شايف اللي محدش كان بياخده باله منه، وكان دايمًا يوقفني على رجلي لما أتأثر بأي خسارة أو ضغط."
وأضاف: عمري ما أنسى يوم مباراة الأهلي في الدوري وكان عندنا حلقة بعديه وكنت غضبان ومتوتر فالكابتن سحبني على جنب وقالي إنت ركز في الفني وأنا هتكلم في اللي يسبب مشاكل الكلمة دي حمتني وسابت أثر جوايا."
وتابع سليمان مؤكدًا أن صبري كان صاحب شخصية قوية وروح طيبة في الوقت نفسه: كان مبتسم في كل اللي حواليه رغم إنه كان شايل هموم ومشاكل محدش يعرفها كان بيحب الزمالك بجد، وبيخدمه في أي منصب أو دور من غير ما يستنى مقابل."
واختتم تصريحاته قائلاً: "رحيل محمد صبري خسارة كبيرة… مش للزمالك بس، للجميع. وأنا مدين له بفضل كبير في حياتي داخل وخارج الملعب."
