خالد زكي يناشد المسئولين: «مش عاوزين نموت وإحنا مش معانا مليم»

أعرب الفنان خالد زكي، عن استيائه بسبب عدم تقدير الوسط الفني له وللجيل الذي ينتمي إليه من الناحية المادية، حيث ناشد المسئولين أن يهتموا بجيله حتى لا يودعون الحياة وهم لا يمتلكون أموال ولا يستطيعون الإنفاق على علاجهم.

وأوضح الفنان خالد زكي، في حواره ببرنامج ليالي TeN مع بوسي شلبي، أنه يجب الاستفادة من جيله، حيث قال: «هذا الجيل الكبير في السن بيكون له أدوار معينة وبيبقى إضافة للعمل، لذلك يجب أن يكون هناك اهتمام بهذا الجيل».

وأضاف: «مينفعش عشان الفلوس أهدر تاريخ فني، ومن الحاجات اللي بتزعلني وتزعل الكثير من جيلي إنه ابتدى يكون هناك عدم تقدير مادي لينا، ولما واحد من الجيل بتاعي يكون اشتغل 50 سنة في المهنة فلازم يتقدر ماديًا في النهاية».

وتابع: «يعني مينفعش أكون باخد من 20 سنة 10 آلاف جنيه ودلوقتي حد يجي يقولي أخد 3 آلاف جنيه، الدنيا بتغلى، ولما برفض يقولك خلاص هجيب فنان تاني لابد من تدخل قوي في هذه المسألة لصون كرامة الفنان، عشان مانموتش واحنا ممعناش ولا مليم».