صابرين: «معملتش حاجة في حياتي غير الشغل وخلفة العيال»

كشفت الفنانة الجميلة صابرين عن أبرز الأشياء التى فعلتها بحياتها حتى الآن، وذلك بمناسبة عيد ميلادها، وأكدت أنها لم تفعل الكثير فى حياتها وأن أهم ما قدمته فى حياتها “خلفة العيال والشغل” على حسب تصريحاتها.

وأوضحت الفنانة، من خلال مداخلة هاتفية مع الإعلامي عمرو خليل، والذى يقوم بتقديم برنامج “من مصر”، والذى يُذاع عبر فضائية “cbc” قائلة:ـ “أنا عملت 4 أو 5 أفلام منذ كنت طفلة وتحديداً وأنا عندى 5 سنين، وأنا اتولدت على السينما على طول، وكل اللى عملته فى حياتى لغاية دلوقت هو الشغل وخلفة العيال وبس.. هى دى الحاجات اللى عملتها فى حياتى كلها”.

وقالت:ـ “أنا بعمل مسلسل (أعمل إيه)، وإحنا لسه شغالين فيها ومخلصناش تصوير، وحقيقى الحمد لله المسلسل عامل رد فعل كويس مع الجماهير.. بجانب الفنان خالد الصاوى والمخرج الجميل أحمد عبدالحميد والسيناريست الرائع محمد الحناوى، وبجد الحمد لله يعنى منطقة كده جديدة فيها لايف كوميدى والست المصرية اللى بجد، وانا كمان حبيت إيناس فى مسلسل أعمل إيه، وده علشان دمها خفيف أوى ونكفه كده”.