راغب علامة: لحنت «يا ريت في أخبيها» وأنا مضايق ونايم على المخدة

حل الفنان راغب علامة ضيفًا على أولى حلقات برنامج الفنانة أنغام، كاشفًا عن كواليس تلحين أغنية ياريت في أخبيها، وحبه الكبير للغناء.

وتحدث راغب علامة عن كواليس تلحينه لأغنية ياريت في أخبيها، وذلك من خلال حواره مع الفنانة أنغام في برنامجها، حيث قال: ياريت في أخبيها لحنتها وأنا نايم، كان معايا الكلام، والشاعر كان مصر إني ألحن، قولتله مش بلحن، قالي أنت شخصيتك لازم تلحن، فحاولت، وأبتديت ألحن، وكان معايا شريط صغير، وأسجل وكنت أروح أسمع، وتاني يوم نفس الموضوع.

وتابع راغب علامة: لغاية في يوم بقبرص، وبقيت خجول من الشاعر علشان معرفتش ألحن لفترة، روحت نمت وأنا متضايق، صحيت لحنتها وغنيتها وأنا نايم على المخدة بالمزيكا، وسجلت على طول وعملت كل حاجة، ومكنتش عايز أكسفه وأكسف نفسي، ومكنتش بفكر في التلحين، والشاعر جابلي أغنية تانيه علشان ألحنها، وقلبي عشقها من أكتر الأغاني اللي عاشت ومش بتموت، ولحنتها في ثواني، وكانت كلماتها مختلفة.

واختتم راغب علامة: أنا كل حاجة في حياتي بسيطة، وربنا مديني حاجات في صوتي هي البساطة الصعبة، ومش بتتقلد، ومحدش بيعرف يقلدها، وبتصرف في حياتي بكل بساطة، البساطة هي الجمال في الحياة.

وكانت آخر أعمال الفنانة راغب علامة هي فيديو كليب أغنية استمارة 6، الذي نجحت في تحقيق نجاح كبير، حيث وصلت عدد مشاهداتها إلى 22 مليون مشاهدة.