كريم الحسيني: تعبت وزعلان على طاقتي ونفسي أكون زي عادل إمام
عبر الفنان كريم الحسيني عن حزنه من عدم مشاركته في الأفلام السينمائية، مشيرًا إلى أنه يفضل السينما ويتمنى أن يكون مثل الفنان عادل إمام والفنان أحمد زكي.
ونشر كريم الحسيني على حسابه الشخصي بموقع التواصل الاجتماعي فيس بوك: "أنا تعبت بجد، جبت أخرى وطاقتى خلصت، ورغم إنى الحمد لله بشهادة الجميع فى عز توهجي على خشبة المسرح اليومين دول، وفى عز توهجي كمدرب تمثيل ودوبلاج وتمثيل إذاعي سواء على مستوى الورش أو على مستوى التدريس في الجامعة، لكن برضه من حقي أنا أقول أنى تعبت".
وأضاف الحسيني: "ما بقتش قادر أتحمل، عارف أنى في نعمة، لكن أنا ممثل والله ممثل، بحب السيما والڤيديو واللعب بالشخصيات المتنوعة، بحب السيما عشان مُخلدة".
وتابع الحسيني: "إحنا لحد دلوقت بنتفرج على أفلام أستاذ فؤاد المهندس والريحاني ومدبولي أكتر ما بنتفرج على مسرحياتهم، زمان وأنا عندى 15 سنة خدت ورشة تمثيل مع العبقرى الفنان سيد رجب، ساعتها قولتله أنت إزاى مش بتمثل، قالي أنا مفحوت مسرح وورش وكله على الله، بس أنا تعبت يا كريم، دلوقت بقول نفس جملة سيد رجب، أنا تعبت وزعلان على طاقتي اللى بتروح مني وبتُهدر".
واستكمل: "أنا كنت ولازالت بحلم إنى أبقى زي النجوم محسن محيي الدين، حسن يوسف، أحمد زكي، عادل إمام، محمود عبد العزيز، الفخراني، هرم زي الأهرامات دول، أنا ممثل، والله العظيم ممثل، دعواتكم بالله عليكم".
