«زمن أنتش وأجري».. وليد منصور يشن حربًا على منظمي الحفلات
أثارت ظاهرت منظمى الحفلات الجدد غضب المنتج وليد منصور، الذين ظهروا بشكل مفاجئ مؤخرا على الساحة الفنية بعد حدوث أخطاء كبيرة وسوء فى تنظيم بمجموعة كبيرة من الحفلات الفترة الماضية.
وكتب وليد عبر صفحته الشخصية على موقع التواصل الاجتماعى فيس بوك: "زمن انتش واجرى ستايل.. ده اللى بيحصل فى عالم الحفلات.. ظاهرة منظم الحفلات المنتشرة بشكل مضحك للأسف كل واحد معاه رقم مدير أعمال أو صديق فنان أو جار حد صاحب فنان أو ابن خالت حد حاره زميل أخو فنان أو مدير أعمال فنان أو شريك مدير أعمال بقى يقولك أنا منظم حفلات".
وأضاف وليد منصور: "للأسف الفنان ساعات يكون سبب فى أنه يساعد ناس تقول كده على نفسها إن الفنان علشان يضمن الحد الأادنى من نجاح يقول إنى هاجى بكل التجهزات بتاعتى وأنت نظم بقه وفى الآخر الحفلة بيكون كلها مشاكل الدين والدينا ويطلع يقولك أنا منظم الحفل بره مصر وأى دولة منظم الحفلات ده لازم سجل تجارى ومقر وسابقة عمل وحاجات كتير".
وأوضح وليد منصور: "منظم الحفل هو اللى بيحجز المكان ويعمل تصاريح ويقعد مع الأمن يعمل خطة أمنية ويروح ضرايب الملاهى وهو اللى يرسم شكل المسرح وينظم دخول الجمهور وخروجه وسلامة الجمهور وتوفير الإسعاف والمطافى وتصوير الحفل وعمل دعاية الحفل وكل تفاصيل الحفل عنده ده منظم الحفل".
وأردف وليد منصور: "فى مصر ناس كتير وكيانات محترمه زى موسى ابوطالب واشرف هريدى وهادى لبيبه جارو وو يا جماعه بجد ارحمونا ويا فنانين بجد مفيش حاجه اسمها كده الحفله مش انك تيجى بتجهيزات يبقى كده حفله ولازم نفهم فى فرق بين منظم الحفله وةصاحب الحفل او منتج الحفل او جهة صاحبة الحفل كلمتين كل ما اقعد مع حد يقولى والنبى اشرح لينا اللى بيحصل فى شغلانه عندكم".
واختتم: "عدم خبره منظم هى اللى بتظهر لينا ناس غريبه يتعمل ليها حفلات واخيرهم هتلاقى انتش واجرى بكره بيعمل حفلة".
