أول تعليق من نقابة المهن الموسيقية على «أنتش وأجري»

علق المايسترو محمد أبو اليزيد، وكيل أول نقابة المهن الموسيقية، علي أغنية فريق واما الجديدة "أنتش وأجري" التي أشعلت مواقع التواصل الاجتماعي.

وقال "أبو اليزيد" خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": "كل يوم نصحى من النوم نلاقى أغاني وحاجات غريبة جدًا منتشرة على السوشيال ميديا اآخرها أغنية أنتش وأجري".

وأضاف: "هي نقابة الموسيقيين تعمل إيه مع الأنواع دي من الأغاني، يعني فرقة واما كلهم متعلمين وخريجي معهد الموسيقي، ومش عارف هل واخدين الموضوع تريقة أو سخرية أو حاجة كوميدي لشئ عجبهم، ومش عارف إيه اللى عاملينه ده".

وأكمل: "أنا منتظر رد رسمي من فرقة واما يفسروا فيه عن المقصود من أغنية أنتش وأجري، إحنا مشغولين بانتخابات الموسيقيين بعد بكرة ومش عارفين نعمل إيه مع الأغنية دي".

ولفت: "فيه إشارة بيعملوها مش مظبوطة في أغنية أنتش وأجري، وأنا مستغرب أن الحاجة تطلع من فرقة واما، واحنا نتمنى لا يكون فيه إشارة أو لفظ يسئ لأي بيت مصري".