حسين فهمي يسخر من بطانة رانيا يوسف ”يلبسوا اللي يلبسوه”
سخر رئيس مهرجان القاهرة السينمائي بدورتة الـ44 الفنان حسين فهمي، من تصريحات الفنانة رانيا يوسف التي توعدت بتصميم زي خاص بها، يتناسب مع الشروط الموضوعة للمهرجان، بعد وضع شروط للملابس التي سيرتديها الفنانون والضيوف على السجادة الحمراء.
وقال فهمي ضاحكًا خلال لقاء إعلامي: "يلبسوا اللي يلبسوه، المهم انه يبقى فيه بطانة".
ردت رانيا يوسف علي تصريح الفنان حسين فهمي بطريقة ساخرة، قائلة: "أوعدك يا أستاذ حسين، البدلة تبقى فيها بطانة".
وكانت رانيا يوسف، قد أبدت استغرابها الشديد من إلزام الحاضرين في مهرجان القاهرة السينمائي بارتداء أزياء رسمية، أسوة بالمهرجانات الدولية، بقرار من الفنان حسين فهمي وقالت : مستغربة بس هنعمل اللي يريحهم.
وعلى الرغم من إعلان خضوعها للقرار، إلا انها توعدت بتصميم زي خاص بها، يتناسب مع الشروط الموضوعة للمهرجان، قائلة :مادام اللبس هيكون فورمال، فسبوني أخترع ليكم بدلة ومش هتبقي أي بدلة هتبقي بدلة باسم رانيا يوسف، وانتظروا بدلتي في الدورة الجديدة المليئة بالمفاجآت.
من جهتة، لفت حسيت فهمي في تصريحاته أن كل فنانة مسؤولة عن نفسها وعلق قائلا :أنا بس بقول أنه احنا مش بنعمل عرض أزياء إحنا بنعمل مهرجان سينما، وكل وحدة تيجي اللي عايزة تلبسة، ضمن حدود الذوق واللياقة، مش ضروري للاستعراض.
وأكد في تصريحات سابقة أنه من العيب استقبال الضيوف الأجانب، بمظهر دون مستوى، فيجب الظهور بشكل جيد للفانين والفنانات، كي لا تركز اللقاءات الإعلامية على الملابس والفساتين والإكسسوارات، خاصة أن مهرجان سينمائي فقط ويجب التحدث عن الأعمال الفنية المشاركة في المهرجان.
وكان حسين فهمي قد وضع شروطا لحضور الفنانين مهرجان القاهرة بدورتة المقبلة، حيث قال خلال بيان : إحنا مهرجان دولي درجة أولى، ولما جيت المهرجان لقيت إن كل واحد يلبس اللي هو عاوزه، عيب أنا هلبس كويس والناس تلبس لطيف والفنانات تلبس كويس، المسأله تطورت أكتر مما أتخيل.
مسأله اللبس تطورت فوق ما كنت أتخيل، وبقي وريني يا حبيبتي الفستان طب لفي كده، اسمه إيه الكوافير، مش ده المهرجان، كلنا لازم نبقى لابسين الدريس كود بتاع كل المهرجانات الدولية، الناس هتلبس كويس وهتبقي شيك وهيبان إنه مهرجان قيم جدا.
