شيرين عبد الوهاب: نفسى أبنى جامع ومستوصف لعلاج المسنين رغم تريقة الناس

كشفت الفنانة شيرين عبد الوهاب، عن أمنيتها إن فازت بجائزة قدرها 20 مليون دولار، وقالت: "نفسي في حاجات بس في ناس ببتريق، أنا نفسي أعمل جامع، ومستوصف أو مستشفى تعالج المسنين".

وقالت خلال لقائها ببرنامج "صاحبة السعادة" مع الإعلامية إسعاد يونس، الذي يذاع على قناة "dmc": "لو أتمنى يكون عندي سوبر باور، تبقى إن مفيش حاجة تأثر فيا، مهما سمعت ومهما مريت بمواقف متأثرش، أنا في كل أحلامي بطير من غير جناحات".

وأضافت شيرين: "حلمت إني عملت حفلة كبيرة أوي في الصحراء، عند الأهرامات، ولعنة الفراعنة أصابتنا، فمعرفناش نرجع للعالم تاني، حاولت أرجع مبرجعش، بحلم أحلام غريبة وبتمنى أروح لبنان، ومدخلتهاش من بعد الانفجار، مش قادرة أشوفها".