«مش أول مرة»| منى عراقي تعلن زواجها من أيمن رشوان والأخير ينفي.. اعرف الحكاية

ظهرت الإعلامية منى عراقي، في بث مباشر على صفحتها الشخصية «فيسبوك»، وأعلنت خبر زواجها من الإعلامي الدكتور أيمن رشوان مقدم برنامج «الدكتور»، على قناة «القاهرة والناس».

ظهرت مني في البث قائلة: «قولولي مبروك، أنا اتجوزت، اسم يشرف هو أيمن، فجأة لقينا الخبر اتسرب، رغم إننا ماكناش حابين نعلن زواجنا، أنا أعرف أيمن من زمان جدًا، بيننا كيميا، لما بنتقابل مبنبطلش ضحك ورقص، ودايما أيمن كان دعم وسند، الوحيد اللي ممكن أقوله أعمل إيه، وبنفذ بالحرف اللي هو بيقولي عليه، وأصلا أنا صعب أقتنع براجل أو راجل يعجبني، لكن أيمن من الرجالة دي اللي بتعجبني».

وتابعت مني: «أيمن كلمني قاللي الخبر انتشر أوي اتصرفي خليهم يشيلوا الخبر ده، قلتله هتصرف، وأنا مش معقول هرد على الصحفيين واحد واحد، وقلت اللايف ده أسهل، باركولي».

وظهر أيمن رشوان في فيديو جديد على صفحته الشخصية ليرد على كلام مني وينفي الخبر وأكد إنها أنباء غير صحيحة بالمرة وأن مني هي زميلة وصديقة عزيزة على قلبه.

الجدير بالذكر أن هذا التصرف لم يكن الأول لمني، في مارس 2021 شاركت مني جمهورها بمنشور على صفحتها الشخصية «فيسبوك»، معلقة «أول ناس أحب أشاركهم متابعي صفحتي، لأنهم هم السند والضهر ليا ولبعض، أنا مش بدور على الحالات ومصادر شغلي بعتمد بشكل كامل على رسائلهم».

وكتبت في النهاية: «أنا عايزة طرحة تول بسرعة بتاعت الأفراح نفسي فيها اللي بتبقى على وشي لارتدائها نظرا لضيق الوقت وقولي مبروك واستنوني بليل».

وظهرت في نفس اليوم بليل في فيديو جديد مع الفنانة وفاء صادق، ليسالها الجمهور: «فين الفرح يا مني، إنتي بتعلقي الرتش عندك بأخبار كاذبة، إنتي كده بتفقدي مصدقيتك مع الجمهور، هو إيه شغل العيال ده، إنتي بتعتمدي على شعل الإثارة الرخيص».