سارة نخلة تريند جوجل بعد هجومها على شيرين عبد الوهاب ونانسي عجرم

احتل اسم الفنانة سارة نخلة تريند جوجل، وذلك بعد تصريحاتها الأخيرة عن كلًا من الفنانة شيرين عبدالوهاب والمطربة اللبنانية نانسي عجرم في برنامج "نص الكلام" المذاع عبر قناة "النهار".

وردت سارة نخلة على الأخبار التي تداولت قبل عدة أشهر بمهاجمتها للمطربة شيرين عبدالوهاب في منشور لها، قائلة: "خالص مستخدمتش كلمة مقرفة دي خالص.. علاقتي بفيسبوك الحاجات اللي بتضحك بعيد نشرها، وكان فيه بوست فعلا مكتوب مكانش حفلة كانت المشاكل طازة".

وأضافت: "كانوا حاطين صور لأكتر من ست بتشقى وكاتبين سبتوا كل الستات دي ومركزين في حياة شيرين، وأنا دايما بقول لأي بنت متطلعيش بحبيبك السما عشان هترجعي على مفيش، وشيرين وقتها كان عندها أفورة في الحب وقت أغنية حبه جنة كان فيه حب ونحنحة، نشرت البوست ده وحطيت أغنية حبه جنة وكان ستوري مش فيسبوك.. أنا ضد أي حاجة تحصل معاها وأنا بحبها ونفسي تبقى كويسة".

وعن مهاجمتها للفنانة اللبنانية نانسي عجرم وزوجها، قالت: "كنت أول واحدة اتكلمت في الموضوع عشان استخدام مصطلح إن الولد سوري، لو أنا في بيتي ودخل عليا حرامي، هو حرامي مش كل شوية في كل خبر وكل كلمة المجرم السوري، وكتبت تحليل كبير عريض لإني مبعرفش اسكت".

وأضافت: "كل اللي قلته إن الراجل ده متقتلش في الفيلا، منطقيا واحد هيتضرب 11 رصاصة المفروض دمه يكون سايح مكانش فيه ولا نقطة دم، قلت اتقتل برا الفيلا واتحط جواها، وده مش معناه اني متعاطفة معاه، لو كان قاتل أو مجرم أنا ضد ده تماما، لكن 11 رصاصة بتعبر عن إيه انتقام على طول".