نهاد أبو القمصان تفتح النار على شقيق شيرين عبد الوهاب

ظهرت المحامية نهاد أبو القمصان وعضو المجلس القومي لحقوق الإنسان، في مقطع فيديو على صفحتها الشخصية"فيسبوك"، وعلقت على أزمة الفنانة شيرين عبد الوهاب.

وقالت: «هي فين شيرين دلوقيت، السؤال دا طارح نفسه بقوة، لأنه خلال الساعات الأخيرة، كل المواقع بتقول اخو شيرين ضربها وسحلها».

وتابعت: «من شوية اتصل بيا بعض أصدقاء شيرين وقالولي نفس القصة، والمستشفي أنكرت الكلام وعمل محضر بالواقعة».

وأكدت: «قولت لهم حرروا محضر بإيه، بإثبات حالة ولا الوقائع، ردوا: قلنا الوقائع، قلتهم: طب طيب، هنا النيابة العامة هتتحرك بأسرع وقت ممكن وبالتالي، لأن أحنا قدام رواية خطيرة جدا لأنه مبدئيا اقتحام أي حد بيت حد حتى لو بيت أخته، فدي جناية طبقا لقانون الإرهاب».

واستكملت: «احتجاز أي حد، جناية، والضرب جنحة، وربنا يستر لو بجسامة هتكون بجناية، ولو الكلاده ده صح المستشفى هي كمان في ورطة، لأنه إنكار وجودها تواطىء مع مجرم».