لأول مرة.. حسام حبيب يعلن أسباب طلاق شيرين عبد الوهاب «فيديو»
كشف الفنان حسام حبيب، عن أسباب انفصاله عن شيرين، وعلق على تورطه في أزمة الفنانة شيرين عبدالوهاب، ودخولها المستشفى للعلاج من الإدمان.
وقال خلال مداخلة هاتفية مع الإعلامي عمرو أديب، ببرنامج الحكاية المذاع عبر فضائية mbc مصر، "أنا أهلي يمتلكوا أكبر المستشفيات في مصر، هل لو أنا مدمن أو متعاطي المخدرات، كانوا هيسبوني، هل أنا اللي هخليها تتعاطي".
وكشف مفاجأة قائلًا: "وسبب طلاقنا من الأساس إن أنا كنت عايزها تبطل مخدرات، وأنا كنت عايزها تبطل وده كان سبب خلافنا، أزاي أنا عايز أدمرها وأنا عايز أحافظ عليها".
وأضاف «حبيب»: «بداية خلافي مع شيرين كان موضوع حلاقة شعرها، وشيرين أعلنت أن والدتها هي سبب طلاقها».
وأضاف: «وجودي في حياة شيرين كان صداقة، ومكنش في خيالي إني أنا وشيرين نتجوز، وعلاقة الصداقة وصلت إلى أنها بدأت تستنجد بي».
وتابع «حبيب»: «شيرين كانت صديقتي جدًا في الأول، وقالتلي إلحقني أنا بتنهش وخرجني من المحيط اللي أنا فيه».
وأكمل: «أنا راجل عندي كارير وبتشغل، ومعملتش حاجة لنفسي من يوم ما اتجوزت شيرين، معملتش ولا أغنية ولا لحن».
