«ضرب وسحل».. كيف نقلت شيرين عبد الوهاب من منزلها إلى مصحة الإدمان.. فيديو
كشف حسام حبيب تفاصيل تعدي شقيق شيرين عبد الوهاب عليها، خلال مداخلة مع الإعلامي عمرو أديب.
حيث قال: أخو شيرين عبد الوهاب مكنش بيكلمها، أنا لقيت فجأة ناس داخلة علينا بمطاوي، وأول مرة أشوف دكاترة معاهم مطاوي، واكتشفت انه كان جايب صحابه، شوفتها وهي بتتسحب في شعرها ونازلة حافية ببجامة، وبتجري بالعربية وبتقولي الحقني.
وأضاف حبيب، قائلًا: " المشادات والخناقات استمرت نص ساعة مع أخوها، وأخدوا تليفوناتنا، وكانوا ناس داخلين عارفين هما بيعملوا اي، وشوفت منظر عمري ما هعرف أنساه طول حياتي، وأنا بقى عندي عقدة، مش شيرين عبد الوهاب اللي يتعمل فيها كدة، وفي واحدة هي اللي كانت عارفة اني جوة وهي اللي أخدت من شيرين المفتاح والموضوع كان مرتب".
وتابع حسام حبيب، أنه لا يريد الحديث عن أشياء آخري بشأن هذا الموضوع، وأنه تعرض لـ الضرب، ليلة أخذ شيرين عبد الوهاب، من شقتها، ووضعها فى المستشفى.
وواصل:" ليه شقيق شيرين راح لها فى هذا الموعد، رغم الخصام الموجود بينه وبين شيرين منذ عامين.
استكمل حسام حبيب خلال مداخلة مع الإعلامي عمرو أديب، أن محمد شقيق شيرين، جاء لها الشقة بعد خصام استمر لأكثر من عامين، وأنه دخل الشقة، بالمفتاح الثانى لـ الشقة، الذى كان مع أحد أصدقاء شيرين.
كشف مفاجأة:" كنت مع شيرين وبنعمل شغل، واحنا مرجعناش لبعض، ولما أخوها جه كانت فى بنت فى الشقة مع شيرين، والقصة الأخيرة حدثت فى حدود الساعة الواحد بعد منتصف الليل".
