أنت ابن أمك خليك راجل عرتنا.. والد حسام حبيب يفتح النار على نجله

جدل كبير أثاره الفنان حسام حبيب بعد تصريحاته المثيرة للجدل مع الإعلامى عمرو أديب والتى جعلت والده حسين حبيب لمهاجمة نجله.

وكتب والد حسام حبيب على صفحته بموقع التواصل الاجتماعى فيس بوك: "أنت بتقول لما رجعت ليها العربية، واحد بيشتغل معاها أخد العربية اللي بـ 5 مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وأنها بتكتب شيكات للناس على بياض.. أنت كده بتدي مبرر لأهلها ليحجروا عليها وبتطلعها أنها سفيهه وعبيطه وأنا من معرفتي بيها إنها واعية وناصحة، بتيجي تكحلها تعميها.. اسأل أبوك يقولك تقول ايه".

وتابع: "أنت بتقول أنك عمرك ما أخدت منها فلوس وأهلها عايشين على قفاها وأنك ما بتشتغلش أربع سنين كنت عايش على قفا مين! بقالك سنه مطلقاها ما اشتغلتش ليه بطل حجج وخليك راجل.. أنت فعلا مش تربيتي أنت تربية واحدة ست طلعت من بيت مامي على بيت مراتك يا أخي عرتنا".