والد ياسمين صبري: «اتطلقت واتجوزت من ورايا وحصلها خلل نفسي»
علَّق من جديد أشرف صبري والد الفنانة ياسمين صبري على تصريحاتها التي أحدثت جدلًا وضجة كبيرة على مدار الأيام الماضية، والتي أشارت فيها إلى انقطاع علاقتهما منذ طفولتها.
وكشف والد ياسمين صبري في تصريحاته الجديدة عن صدمته من مهاجمة ياسمين له، حيث قال: «أنا مش متخيل إنها في يوم من الأيام تهاجمني! مش عارف ليه؟! حاجة تحزن لأقصى درجة، والله ما كنت حابب أتكلم أو أقول، لكن معنديش وسيلة أظهر بيها حزني دا ليها أو لأي حد من أهلي؛ لأنها قطعت كل خطوط التواصل. ربنا يهديها، هناك خلل نفسي حدث وأثر على نفسيتها وجعلها تنسى الفترة التي عاشتها في حضن والدها الذي فعل كل شيء من أجلها».
https://www.instagram.com/tv/CVvET-ygnsO/
وتابع أشرف صبري: «أنا سافرت فرنسا 4 سنين، وكنت ببعت نفقة الأولاد لحد ما رجعت وتوليت تربية ياسمين من ابتدائي لحد ما اتجوزت، ومفتاح بيتي معاها من زمان. أنا متوقع أي حاجة ممكن تحصل، والأب دايمًا بيبقى حريص إن بنته لو حصل معاها شيء وملهاش حتة تروحها تروح بيت أبوها ودا حصل في أول جوازة».
وقال والد ياسمين صبري إنه رفض بشدة دخولها الفن، قائلًا: «قلتلها لما تتجوزي إعملي اللي انتي عايزاه وجوزك يكون معاكي، وبالفعل اشترطت على جوزها يخلي باله منها، وفي الفترة دي عملت مسلسلات كتير منها جبل الحلال وكنت معجب بدورها جدًّا، وكانت بتاخد رأيي في كل خطوة».
وأشار والد ياسمين صبري إلى أن بداية الخلاف بينهما كانت منذ طلاقها من زوجها الأول دون علمه، وأن سبب عدم حضوره عقد قرانها هو أنها تزوجت دون علمه، ولم يتبع زوجها الأصول في الزواج من فتاة تنتمي إلى عائلة كبيرة؛ لذلك فهو لا يعترف بتلك الزيجة، كما أكد حزنه بسبب عدم مباركة ياسمين لشقيقها بمناسبة زفافه وعدم حضورها.
