محمد رمضان: «مش هتجوز تاني ومراتي بـ4 ستات»

تحدث الفنان محمد رمضان في تصريحات تلفزيونية عن أحلامه وطموحاته، حيث قال: "أنا لسه محققتش 1% من طموحي وكلامي دا في 2022 وإن شاء الله الجمهور هيشوفها بعد عمر طويل سنة 2070 وهيقولوا معايا حق".

وتابع: "الله أعلم هوصل لفين؛ لأني لا أفصح عن طموح لم أحققه لأن الشخص اللي طلع على القمر لو كان قال للناس إنه هيطلع القمر كانوا هيسخروا منه ويقولوا عليه مجنون وعبيط وأنا طموحي ليس له حدود".

وأضاف: "بنصح جمهوري ميقولوش طموحاتهم علشان كفاية العقبات اللي هتشوفها في الحياة ومتخسرش اللي حواليك لأن ممكن ميستوعبوش طموحك ويتهموك بالجنون، وكن نفسك ولو هتاخد مني حاجة خد الإصرار والثقة في ربنا وإظهار نقاط قوتك للعالم كله ولا تخجل أنك قوي ومثابر ومتخافش من الحياة لأنها مش بتحترم الجبان ولن يفوز بلذة إلا كل مغامر وحتى لو خسرت ومحققتش حلمك المغامرة هتخليك تشوف باب آخر للنجاح".

واختتم حديثه بمسلسله الجديد، حيث قال: "أنا هتجوز 4 في مسلسل العمدة، ولكن أنا اتجوزت مرتين بس في الحقيقة، ومش هكرر التجربة؛ لأن مراتي بـ 4 ستات".