فردوس عبدالحميد ترد على منتقدي ظهورها في «الضاحك الباكي”
حرصت الفنانة فردوس عبد الحميد أن ترد على الجدل الذي أثير مؤخرًا بعدما ظهرت في الحلقة الأولى من مسلسل الضاحك الباكي، والذي يتناول قصة حياة الفنان نجيب الريحاني حيث تجسد فردوس شخصية أم طفل صغير رغم تقدمها في العمر.
وكشفت فردوس عبد الحميد خلال مداخلة هاتفية مع برنامج et بالعربي، حيث قالت: "لما حد ينتقد عمل من أول حلقة وهو مش عارف التطور بتاع الشخصية يبقى ده يا إما مش فاهم يا إما شخص حاقد، لأن الشخصية اللي أنا عملتها وأنا صغيرة خدت حلقة واحدة والشخصية بعد كده بقت أم لشباب كبار في الحلقة التانية".
وتابعت: "مكنش ممكن أنهم يجيبوا ممثلة صغيرة عشان تعمل حلقة واحدة وبعدين نعمل عدم فهم للناس لأنه بتجيب شخصية وبعدين تستبدلها بممثلة أخرى هي اتغيرت في الحلقة التانية على طول بقت أم لشباب في الحلقة التانية وأنا قلت الكلام ده كتير أوي".
واستكملت:" كمتفرج لازم تشوف العمل على الأقل 7 أو 8 حلقات وبعدين تقول انتقادك، أنتي قلتي حاجة مش مظبوطة هي اتاخدت على أنها عايزة تعمل ترند عايزة تلقي الضوء على نفسها مش اكتر من أنها تنتقدني".
واختتمت: "هي عايزة تلقي الضوء على نفسها عشان تقول دي فلانة قالت للأسف الشديد التعليق مبين أنها مش فاهمة في تقييم الأعمال لأن اللي شغلته ناقد بيستني لما العمل يخلص، هو الريحاني هيفضل طفل؟".
