ميرهان حسين: «أنا اعتزلت الغرام ونظرة الرجالة للفنانة غلط»
كشفت الفنانة ميرهان حسين عن سبب عدم دخولها في قصة حب جديدة، مؤكدة بأنها لا تفكر في هذا الأمر خلال هذه الفترة.
وقالت الفنانة ميرهان حسين مخلال لقائها في برنامج الستات مايعرفوش يكدبوا: "أنا اعتزلت الغرام وأغلب الرجال تكون نظرتهم للفنانة غلط".
وأضافت ميرهان، قائلة: "أن الأغلبية من الرجال تحكم علي الفنانة بشكل خاطئ ، مشيرة "الناس فاكرين أنها بتدلع والراجل الحقيقي بقي موجود بنسبة قليلة".
وقالت ميرهان في اللقاء: "أنتِ بتحتاجي شريك للحياة حد يشاركك أفراحك وأحزانك مضيفة: "بأنها من الممكن أن تترك الفن إذا كان عائقا بينها وبين شريك حياتها المستقبلي في حالة واحدة فقط وهي أن تكون مقتنعة بذلك من نفسها دون أن يفرض عليها شروطا.
وأكملت ميرهان حسين" قائلة: "لو لقيت حد عنده مواصفات معينة ومستوعبني جدا كـ إنسانة وحاببني ومتقبلني وفعلا راجل يعتمد عليه.
و تابعت: "أنا أصلا دايما موجود في دماغي فكرة أني مش هفضل طول عمري فنانة حتي لو تقدمت في السن الله أعلم بس دايما ف دماغي أنه هيجي مرحلة ومش هكمل حسب الشخص اللي قدامي".
و أكملت، قائلة: "فين بقي البني آدم الصح المناسب اللي مش عاوز مني حاجة اللي مستعد يشاركني الحياة أنا كـ إنسانة ولا بقي يتمنظر بيا ولا مراهن صحابه ولا بقي الحاجات اللي كلنا بنسمعها في الأفلام دي والحجات دي إحنا بنقابلها بجد".
