جيلان علاء وعز شهوان قصة حب بدأت من حلقة برنامج
قال الفنان عز شهوان إن بداية قصة حبه مع الفنانة جيلان علاء، جاءت بعد ظهورهما الأول مع الإعلامية منى الشاذلي في برنامج «معكم».
وتابع: «اللي حصل واحنا قاعدين في الحلقة حصل كهربا، ويوم ما مشينا من هنا ووصلتها فضلت طول الطريق أقول لنفسي هقولها انهاردة ولا بكره، ولما وصلتها تحت البيت الساعة 1 بالليل قولتلها بحبك وعايزة اتجوزك».
وأضاف:«أ نا زي أي راجل ساذج قولتلها بحبك وعايز أتجوزك، فـهي قالتلي لا، عشان مكنتش عايزة تتجوز».
كما كشفت جيلان علاء عن سبب رفضها الزواج من عز شهوان، حيث قالت: «أنا رفضي كان بسبب خوفي من الجواز، وتجاربي مكنتش ألطف حاجة، وبالنسبالي مفيش راجل يقول لواحدة هتجوزك، وقولت أكيد كداب أو بيهزر والموضوع مش هينتهي نهاية سعيدة، عشان عدى 34 سنة وعديت بحاجات مأساوية واللي جالي في الدوغري مصدقتوش».
وتابعت: «وبعد شهرين رجعنا أصحاب تاني، وهو قالي أني مش عايز أخسرك، وفي يوم بنفطر في مصر الجديدة كأصحاب، قولت له أنا عايزة أقولك حاجة، قالي إيه، قولت له أنا بحبك»
