وفاء سالم تكشف تفاصيل تشوه وجهها بسبب عمليات التجميل

أعلنت الفنانة وفاء سالم خلال مداخلة هاتفية مع الإعلامي عمرو أديب عبر برنامج الحكاية الذي يعرض على قناة أم بي سي مصر ما حدث معها بسبب أخطاء طبية في عمليات تجميل سابقة أدت إلى تشوه وجهها.

أوضحت الفنانة وفاء سالم أنها وصلت لمرحلة خطرة بسبب الحقن الخطأ قائلة "على مدار كذا سنة كنت تعرضت لحقن وخيوط عند دكاترة مشاهير كل مرة أروح لدكتور يعملي حقن على أساس أنه هيصلح العيب اللي حصل من الدكتور اللي قبلة"

تابعت كلامها قائلة الأعمال الفنية اللي كنت بشترك فيها بتفرج على النتيجة ألاقي تشوهات في وشي والناس وأصدقائي مكسوفين يقولولي عندك خد غير الخد التاني.

أوضحت وفاء سالم اكتشافها لوجود صديد واصل للمخ قائلة وصلت لمرحلة أني مش عاوزة أروح لأي دكتور لأن كل مرة يقولولي مش هنقدر نتعامل مع الحالة دي لأن وصلت لحقن في مناطق أعصاب لغاية ما قابلت دكتور سمير غرابة وقالي إحنا محتاجين قبل العملية نعمل أشعة واكتشفنا وجود صديد واصل للشبكية والمخ، وربنا أنقذني وأنقذ حياتي

أضافت وفاء سالم قائلة الصديد من الحقن اللي كان بيتحقن لي زعما أنه هيصلح الحقن اللي قبله وكان بيبوظ وشي وخيوط كانت جوا وشي علشان تشد الوجه، وأنا كنت بتعرض لشكل من أشكال الإبتزاز

أكدت وفاء سالم أنها بدأت التعافي قائلة "أنا مش عاوزة أي عمليات تجميل أنا عاوزة وفاء اللي الجمهور حبها".