علي الحجار: «نقابة مسكها عبد الوهاب وأم كلثوم يليق عليها هاني شاكر وأخطأ باستقالته»
كشف الفنان علي الحجار عن رأيه في استقالة الفنان هاني شاكر من منصبه كنقيبًا للمهن الموسيقية خلال الفترة الماضية.
وأشار إلى أن توقيت الاستقالة لم يكن ملائمًا مع أوضاع النقابة، خصوصًا أنه استطاع خلال فترة تواجده أن يفهم كواليس ما يحدث في النقابة وله خبرة كبيرة.
وقال علي الحجار: "كنت شايف إن هاني شاكر في المرحلة الأخيرة بدأ يفهم كواليس النقابة صح بالخبرة وبالسنين مسك عصاية الموضوع، واستقال في توقيت مكنش المفروض يستقيل فيه".
وتابع: "النقابة اللي مسكها عبد الوهاب وأم كلثوم يليق عليها هاني شاكر، دول الأسماء اللي نفتخر بوجودهم كنقباء لينا.. جولي أكتر من مرة عشان أرشح نفسي ومنهم أستاذ أحمد رمضان سكرتير النقابة اللي هو بيمشي النقابة تقريبًا وحاول يقنعني، ورفضت لأني مبعرفش أدير نفسي، هدير 12 ألف موسيقي ازاي".
وأضاف: "مبعرفش في الإدارة، ازاي هعرف مشكلة 12 ألف موسيقي في القرى والنجوع مش هعرف وممكن أظلم وأنا مش حملها، فيه حد بيبقى بيعرف يدير نفسه ويدير الناس وفنان برضه، لكن أنا أختار الأغنية مثلًا ومعرفش أسوقلها ومين يذيعها، وكل الكلام ده أنا فاشل فيه".
