ميار الببلاوي عن إلهام شاهين: «بتقرأ الآيات غلط وقالت على شيخ أهبل والمفروض تبطل تتكلم في الدين»
حرصا الفنانة ميار الببلاوي التعليق على حديث الفنانة إلهام شاهين الأخير عن الدين وطلبت منها الاكتفاء بالحديث عن الفن فقط، مؤكدة أن الدين لا يحتمل الآراء.
وتابعت ميار الببلاوي، خلال حوارها في برنامج قعدة ستات تقديم الإعلامية مروة صبري والمذاع على قناة "القاهرة اليوم"، أنها وجهت رسالة للفنانة إلهام شاهين، حيث قالت: "أنا خريجة المعهد العالي للدراسات الإسلامية، وخدت ماجستير في الفقه المقارن، والدكتوراه بتاعتي في الخطاب الديني، يعني لما بتكلم في الدين أنا معايا إجازة في الفتوة، واللي قولته لـ إلهام شاهين اتكلمي في أي حاجة تانية غير الدين، لأني مش عايزة أسمع حديث بيتقال غلط، وإن فيه ناس بتغلط في علماء الدين، إياكم ورجال الدين".
وأضافت: "أنا مبحبش حد يتكلم في الدين وهو معندوش خلفية دينية، هي أستاذة وكل حاجة بس ليه تتكلم في الدين؟ بتتريق على رجال الدين والشيوخ والفتاوى، إياكم ولحوم علماء الدين فإنها مسمومة، والدين لا يحتمل الآراء وماينفعش تسخري من الشيوخ وتقولي على راجل دين انه اهبل، دي بتقرأ الآيات غلط".
واستكملت: "أنا أتسألت في برنامج ورديت، أنا مش عايزاها تاخد ذنب، وأنا صغيرة جدًا بالنسبة ليها وأقل من إنها تسمع كلامي، وهي بتقول آرائها في البني آدمين، دي بتشتم الشيوخ بتوعنا، والحديث الصحيح قال إياكم ولحوم العلما فإنها مسمومة وإنما يخشى الله من عباده العلماء، ولما هي تغلط في العلماء المفروض إننا نسقف".
