أمل رزق: «دعيت في الحج ربنا يبعد الشرنوبي عن بنتي لو في شر في جوازهم»
قالت الفنانة أمل رزق: "بنتي لمى كانت مخطوبة للفنان محمد الشرنوبي، وأنا في الحج دعيت قلت لو فيه خير في الجوازة ربنا يقربها ولو فيه شر لبنتي ربنا يبعدها عنه".
وتابعت خلال لقائها ببرنامج "كلام الناس" المذاع علي قناة "ام بي سي مصر": "دعيت لبنتي وأنا في الكعبة من قلبي إن ربنا يقدم لها كل اللي فيه الخير لأن لمى بنتي حتة من قلبي".
وأضافت: "وأنا في الطيارة لقيت بنتى لمى بتقول لي ماما هقولك خبرين واحد حلو وآخر وحش، الأول كان جاي لها شغل كويس، والتاني أنا والشرنوبي مش هنكمل، فقلت لها اللي فيه الخير يقدمه ربنا وقدر الله وما شاء فعل وأنا معاكِ في ضهرك في اللى عايزاه واحنا قفلنا الموضوع تمام".
