أمل رزق: «عصب في دماغي ضرب من الزعل واتعميت 6 أشهر»

قالت الفنانة أمل رزق: "ربنا ابتلاني في 2013 وحصل لي إن فيه عصب في دماغي ضرب من الزعل واتعميت 6 أشهر ودعيت ربنا وقلت يا رب لو قمت أول حاجة هعملها إني هروح الحج".

وأضافت خلال لقائها ببرنامج "كلام الناس" المذاع على قناة "إم بي سي مصر": "ربنا كريم جدًّا والحمد لله تعافيت من الأزمة الصحية، وقعدت أصلي وأقرب من ربنا لحد ما خفيت".

وأضافت: "دكتور المخ والأعصاب قال فيه حاجة في المخ مش عارفينها وفي الآخر أخدت كورتيزون وعلاج وقال لي هتخفي، ولما خفيت الدكتور استغرب إني رجعت أشوف تاني بعد ما اتعميت".

وأشارت: "كنا في شهر رمضان نمت وصحيت وقلت يا رب أرجع أشوف بعينيَّ تاني علشان أروح الحج".