عفاف شعيب: ”أحمد زكي كان بيحج وما قرأش قرآن في عرفة فسألته قالي أنا شيطان من الشياطين”
طلت الفنانة عفاف شعيب على جمهورها مع الإعلامي عمرو الليثي في برنامجه واحد من الناس المذاع عبر شاشة قناة الحياة، وكشفت خلال اللقاء عن تفاصيل كثيرة من حياتها الشخصية وعلاقتها بالفنان أحمد زكي.
وقالت عفاف شعيب: "أحمد زكي كان بيصعب عليا لأنه كان طيب جدًا وناس كتير كانت بتنبذه وفي أستاذ من الأساتذة الكبار لما شافه في معهد فنون مسرحية في سنة أولى قال له أنت جاي تعمل إيه هنا وتهبب إيه روح اشتغل في أي ورشة وشوفت أحمد زكي كذا مرة بيعيط ولما راقبته لقيته غلبان وطول الوقت قاعد لوحده ومش بيكلم حد".
وتابعت: "في ناس وقعت بيني وبين أحمد زكي في الحج بعد ما أقنعته يحج علشان ربنا يرضى عليه، اتاري في ناس قالوا له سيبك منها، وفي نفس الوقت في حد قال لي أنه ما قرأش قرآن في عرفة فسألته قال لي أنا شيطان من الشياطين! قلت له أوعى تكلمني تاني وبعد الحج جالي البيت واعتذر لي".
