ابنة هند رستم: لقب ملكة الإغراء أزعج أمي.. وكانت زي أمينة في البيت

تحدثت بسنت رضا ابنة الفنانة القديرة الراحلة هند رستم عن الكثير من التفاصيل الخاصة بوالدتها، وذلك خلال لقاء لها في برنامج معكم منى الشاذلي.

وكشفت ابنة هند رستم أن والدتها لم تكن تحب لقب ملكة الإغراء، حيث قالت: "اتضايقت أوي من اللقب دا واللي اداها هو الأستاذ مفيد فوزي وزعلت جدا، لأنه كدا حددها فى دور، وهي أه ست جميلة، والمخرج هو اللي بيطلب منها تلبس إيه، ولكن خارج التمثيل هي مش كدا خالص".

وتابعت: "والدتي قامت بأدوار لم يكن بها أى إغراء، ومفيد فوزي أعطي لقب سيدة الشاشة العربية لفاتن حمامة، ولهند رستم ملكة الإغراء، وعلشان كدا اتضايقت إنه حصرها فى لقب، وادى لحد تاني سيدة الشاشة العربية".

وأضافت: "كان هناك الكثير من الفنانين اللي كانوا غير راضيين عن موضوع الألقاب، اللي شجع والدتي على الإعتزال هو أني جيبت ابني وخلفت وكانت مبسوطة بالأسرة، لأنها اشتغلت وهي فى سن 15 وكانت تريد أن تعوض سنواتها التي فاتتها مع أسرتها، وحبت البيت جدا".

وعن طريقة تعرفها على زوجها قالت: "كانت عاوز تروح لدكتور، لأنها كان عندها هوس إنها هيجيلها سرطان، وراحت للدكتور وسبحان الله اتجوزت الدكتور، وفضلوا مع بعض 50 سنة، كانوا بيحبوا بعض أوي، والسبب في كدة كانت المعاملة، وماما دي كانت عاملة زي أمينة في البيت".