تفاصيل أزمة تغيير اسم الكاتدرائية المرقسية على جوجل

شهدت الساعات القليلة الماضية حالة من الغضب عبر منصات التواصل الاجتماعي، وذلك بعدما قام بعض الأشخاص بتغيير اسم " الكاتدرائية المرقسية بالإسكندرية"، على خرائط جوجل، وإضافة لفظ بذيء وغير لائق للكاتدرائية.

وشن رواد صفحات التواصل الاجتماعي مسيحيين ومسلمين حملة قوية لحذف اللفظ المسيء عن الكاتدرائية على جوجل.

وطالب رواد صفحات التواصل الاجتماعي في مصر بتعديل الاسم وكتب ناشط: زي مابنلاقي تعصب وحاجات تحرق الدم عالسوشيال ميديا، فيه مواقف بتعدي بتدي للإنسان ولو بصيص من الأمل، ودي لازم نشاركها ونمدحها علشان تكون قدوة لينا كلنا.

وتابع: النهاردة لو كتبت على جوجل "الكاتدرائية المرقسية بالأسكندرية" هايطلع ليك شتيمة قبيحة وقميئة جدًا في اسم الكنيسة، وده أكيد بني آدم مريض كتبها كده، أحد الصفحات بتشارك أن الناس المفروض تخش تعدل الاسم علشان نشيل الشتيمة دي.

واضاف: عجبني أن "شيماء" اهتمت وتفاعلت وكمان بتحاول تساعد في الحل، "شيماء" تحديدًا هي الشئ الجميل في الموقف.

وكتب آخر: مجموعة من المرضي النفسيين المتطرفين غيروا اسم الكاتدرائيةالمرقسية في إسكندرية علي موقع google وأهانوا الإسم بألفاظ خارجة، انا شخصيآ معرفش ده حصل إزاي وازاي أي حد يقدر يغير اسم مكان ديني مقدس بالشكل الوقح ده، لكن اللي في أيدينا دلوقتي أن كل واحد يعمل سيرش علي جوجل باسم الكاتدرائية ويدوس على ال 3 نقاط اللي جنب الاسم ويعمل تعديل ويكتب "الكاتدرائية المرقسية بالإسكندرية"، لما ده يحصل بشكل كبير وجماعي هيتم استرجاع الاسم.

وعلق آخر: ياريت كله يدخل يعدل اسم الكنيسة

الكاتدرائية المرقسية بالإسكندرية، لأن ألفـاظـك هي ثيـــابك.

وأضاف تنبيه هــــام: نرجو من أحباء كنيسة المرقسية بالإسكندرية اتباع هذه الخطوات لتعديل اسم الكنيسة على الخريطة بجوجل.

المطلوب منك تدخل على جوجل :

1 - ابحث باسم ( الكاتدرائية )

٢ - اضغط على التلت نقط اللى على الشمال

٣ - عدل الاسم واحذف الكلمة خالص. واكتب ( الكاتدرائية المرقسية بالإسكندرية )

وأضافت ناشطة: في حد مغير اسم الكاتدرائية المرقسية بالإسكندرية لما تعمل سيرش على جوجل او ال GPS هتلاقي شتيمه موجوده فا ياريت الكل يدخل يعمل ايديت للاسم عشان يتغير.

وتابعت: افتحوا اللينك واختاروا Suggest an edit و اكتبوا "الكاتدرائية المرقسية بالإسكندرية"، وياريت نعمل شير للبوست عشان يوصل لاكبر عدد ممكن.

https://maps.app.goo.gl/UvYDvHvwG2YEYdW1A

يذكر أنه تعرض مسجد السيدة عائشة لنفس الموقف، حيث قام بعض الأشخاص بتغيير اسم المسجد وإضافة لفظ سيئ للمسجد.