زيزي عادل تفجر مفاجأة: «حمامات ستار أكاديمي فيها كاميرات» فيديو

فجرت الفنانة المعتزلة زيزي عادل مفاجأة من العيار الثقيل، حيث أكدت أن الزمان برنامج اكتشاف المواهب «ستار أكاديمي» كان يضع لهم كاميرات داخل "الحمام".

وتابعت خلال لقائها في برنامج «كلام الناس»: "لو رجع بيا الزمن مكنتش أكيد هروح برنامج ستار أكاديمي، عشان دلوقتي بعد تغيير فكري وتقربي من ربنا وكل اللي بيحصلي ده يخليني أقول إن كان فيه حاجات كتير مكنش المفروض أعملها".

وتابعت: "ولكن أنا من الناس اللي مبتندمش وبشوف إن كل حاجة حصلت في حياتي ليها ترتيب وكل حاجة ليها أسباب تجربتي في ستار أكاديمي كانت هي بداية النجاح والانطلاقة".

وأضافت: "أنا نزلت من البرنامج مشهورة مع إني مكنش عندي أغنية ولا أي حاجة، ولكن كنت مشهورة كأني نجمة بقالي 10 سنين بغني، وجاءتني عروض من شركات إنتاج كبيرة".

واستكملت:" لما رجعت مصر مصدقتش عدد الناس اللي كانوا جايين يستقبلوني، لأن أنا قعدت هناك 4 شهور مفيش تليفزيون ومكنتش عارفة أنا معروفة برا ولا لأ، ولا أعرف كان بيتكتب عني أخبار ولا لأ ولما رجعت في صدمة بتحصل كده إني مشهورة والدنيا بتختلف».

واختتمت: «ستار أكاديمي كبرنامج فكرته لا تناسب تقاليد مجتمعنا الشرقي، لإنه كان فيه كاميرات في كل مكان، حتى الحمامات كان فيها كاميرات عند المرايات والموضوع ده كان بيضايق».