فيفي عبده: «بتاجر مع الله وهتجنن نفسي أعرف ليه الناس بيحبوني»
كشفت الفنانة فيفي عبده عن سر حب المتابعين لها، مشيرة إلى أن لها جمهور من جميع الأعمار، كما أن لها جماهير من الأطفال.
وتابعت فيفي عبده خلال لقاء لها في برنامج صباح العربية: "سر حب الناس ليا هو التجارة مع الله، وهذا حب من الله وحب أمي وأبويا وأنا طول عمري تحت جزمتهم".
وتابعت: "كل الناس بتحبني حتى الأطفال، وعندي حفيدي سنتين ونص مش بيقول غير عاوز فيفي عبده ويمسك الصورة ويبوسها، وببقى هتجنن نفسي أعرف ليه بيحبوني الحب ده".
وأضافت: "أي بيت متفق على حب فيفي عبده وسعادتي مالهاش وصف وأنا بشوف الأطفال جايين يجروا عليا وعاملين علامة الـ 5".
