«اللي هشوفه رافع موبايل هكسره».. ريهام سعيد تغادر قناة الشمس بعد إهانة العاملين
فجر الناقد هاني عزب مفاجأة بشأن انسحاب الفنانة ريهام سعيد مش تصوير حلقة رأس السنة ٢٠٢٢ بقناة الشمس الفضائية، من خلال حسابة الشخصي بموقع التواصل الاجتماعي "فيسبوك".
وقال هاني: "البداية هي دخلت القناة معجبتهاش الإضاءة اللي في اللوكيشن فطلبت إضاءة زيادة والقناة اتصرفت بالفعل، وبعد كده دخلت اللوكيشن وقعدت تغني مع سعد لقت ناس بتصور بالموبايل راحت قالت بأعلى صوت: "اللي هشوفه رافع الموبايل هكسره"، اه والله قالت كده..
وأضاف هاني: "الموضوع منتهاش لحد كده ريهام رفضت إذاعة حلقات برنامج سعد الصغير اللي بتتذاع يومي الخميس والجمعة، وقالت إزاي هيتذاع سعد خميس وجمعة ورأس السنة السبت كده هبقي ضيفة معاه مش بنقدم البرنامج سوي".
واستكمل هاني: "بأن ريهام طلبت من المنتج والقناة إن الحلقات بتاعت سعد متتذاعش، وهنا رفض المنتج، وده خلاها تقرر إنها تمشي، ولما سعد الصغير عرف إنها ماشية خرج وراها وطلب منها الرجوع وأخبرها إنه هيقنع المنتج بنفسه، وفعلا رجعت وحاول سعد الصغير إقناع المنتج برغبتها ولكنه فشل، لان صاحب القرار المنتج والقناة وليس المذيع".
وأكد هاني: "وده خلى سعد بروح "ابن البلد" يخرج مرة تانية يحاول إقناعها بالرجوع والتصوير وأخبرها بأنه هيحاول إقناع المنتج مرة تانية برغبتها، وبالفعل دخلت ريهام غرفتها، ولكنها استغلت قيام سعد بعمل الميكب والشعر وراحت خارجة وماشي".
وأختتم الناقد الفني: "وريهاموعملت ده بعد ما كانت تسببت في عطلة لمدة تجاوزت ال٥ ساعات، وهنا قرر سعد إنقاذ الموقف وبدأ تصوير الحلقة الساعة ٦ صباحا، على الرغم من إن الضيوف كانوا متواجدين من الساعة ١ صباحا والتصوير خلص ١١ صباحاً".
