في ذكرى ميلاده.. دور عبد المنعم مدبولي في زواج شويكار وفؤاد المهندس ووفاته قبل تكريمه

يحل اليوم ذكرى ميلاد فنان كوميديان قدير، هوالفنان عبد المنعم مدبولي، وسنعرض الكثير من جوانب حياته.

حياته

ولد الفنان عبدالمنعم مدبولي يوم 28 ديسمبر عام 1921، وبدأ حياته الفنية من خلال الانضمام إلى فرقة جورج أبيض، ثم انضم إلى فرقة فاطمة رشدي، ومن بعدها أسس فرقة "المسرح الحر" عام 1952.

تميز مدبولي بإضافة أغاني للأطفال في الكثير من أعماله الفنية ومن أشهر أغانيه "توت توت"، و"كان في واد اسمه الشاطر عمرو"، و"جدو عبده"، و"الشمس البرتقالي".

أشهر أعمال عبدالمنعم مدبولي

عايز حقي، العاشقان، امرأة تحت المراقبة، المرأة والساطور، بكرة أحلى من النهار، كريستال، ابتسامة في عيون حزينة، الزواج والصيف، حب في الزنزانة، إحنا بتوع الأتوبيس، ألف بوسة وبوسة، الحفيد، والكثير من الأعمال الفنية.

قصة فؤاد المهندس وشويكار

في لقاء قديم لمدبولي قال: أثناء تصوير مسرحية «أنا وهو وهي» شوفت الحب في عيون فؤاد المهندس لشويكار وكان هناك مشهد في مسرحية، كان فؤاد المهندس عاوز يخرج من الأوضة وعاوز ياخد الشنطة بتاعته عشان ينام في الأوضة التانية ويسيب الأوضة لشويكار، بعد ما ضحكت عليه ودخلت الأوضة وقعدت، وفؤاد بياخد الشنطة شويكار عاكسته، كانت تجيب له الشنطة كده وتجيبهاله كده، لحد ما نزل على وشه ووقع ومش عارف ياخد الشنطة برضو".

وتابع مدبولي: "لما نزل على وشه شغلت مزيكا، وخليتهم وهما بيشتغلوا وروحت منزل مزيكا وانبسط أوي، والحب دخل قلبه وانتهى وبعد المسرحية طلب إيدها".

وفاته

توفى الفنان عبدالمنعم مدبولي، يوم 9 يوليو عام 2006، عن عمر يناهز 79 عاما، بعد صراع طويل مع المرض.

توفي مدبولي قبل ساعات من تكريمه في المهرجان الأول للمسرح القومي في القاهرة.