عمر كمال: «الناس مش بتحب تشوف الفنان وهو متبهدل وهم السبب في اللى أنا فيه دلوقتي»

قال الفنان عمر كمال، إن الناس تهتم بمظهر المطرب، لافتا إلى أن الناس لا تحب المطرب الذي يشتكي كثيرا، وذلك خلال كواليس حلقة ليلة رأس السنة في برنامج “حبر سري” المذاع عبر شاشة “القاهرة والناس” وتقدمه الإعلامية أسما إبراهيم.

وتابع: "الناس عودتنا إن شغلانتنا شغلانة مظاهر، مبيحترموش المطرب اللي بيطلع يشتكي، لازم يشوفوني بشكل كويس، اللي طالبني في أوردر عايز يشوفي راكب عربية موديل كويس، ولابس بدلة كويسة، ووشي كويس وملمع نفسي، عشان أقدر أفرح الناس، أحسن ما أدخل عليه بتاكسي".

وكشف: "الناس بعد ربنا سبحانه وتعالى السبب في العيشة اللى أنا فيها دلوقتي، إن ربنا يكرمني، أنا كنت كويس وعايش عيشة كويسة، وراكب عربية كويسة، ده بفضل ربنا ثم الناس اللي عملت مني حاجة".

وأوضح كمال أن نسبة شهرته في مصر تصل إلى 95%، موضحا: “نسبة شهرتي في مصر 95%، معروف، يعني اللي يشوف وشي ميفكرش في حد تاني, برا مصر ممكن 80%".

تغريم عمر كمال

وقرر مجلس نقابة المهن الموسيقية برئاسة الفنان مصطفى كامل، رفع الإيقاف عن المغني الشعبي عمر كمال، وتغريمه 50 ألف جنيها بدلا من 100 ألف جنيها، وذلك بعدما مثل للتحقيق على خلفية إحيائه حفلاً بدون تصريح من النقابة.

كانت نقابة المهن الموسيقية، برئاسة الفنان مصطفى كامل، أصدرت قرارًا بإيقاف المغني الشعبي عمر كمال، وتحويله للتحقيق.