نجوى فؤاد: ”أحلى رقصة في حياتي كانت في فرح جوزي وصاحبتي بعد خيانتهم ليا وبقالي 35 سنة مجروحة”
كشفت الفنانة نجوى فؤاد عن جانب من تفاصيل حياتها الشخصية خلال لقاءها في برنامج الستات الذي يعرض على قناة النهار.
وقالت نجوى فؤاد: "اتطلقت غيابي منه لما خاني مع صاحبتي وراح اتجوزها، وبقالي 35 سنة مجروحة، وقصت في فرحهم وكانت أحلى مرة رقصت فيها".
وتابعت: "حبيت أثبت وجودي في الفرح اليوم ده كـ عواطف محمد حلمي، والعند ركبني يومها ورقصت وقلت مبروك ليهم في المايك، وكنت برقص زي الطير المدبوح، ورجعت البيت منمتش 3 أيام، هو كان لبناني وخاني معاها".
وأضافت: "كان جايبلي برواز غالي وقالي هاخده أصلحه أتاريه بياخده عشان يحطه في شقته الجديدة، بس أنا محستش بخيانته، غلطتي في العلاقة دي إني كنت بحبه بزيادة وبسمع كلامه جدا وكان شخصيته كويسة جدا، وأشهر إسلامه عشاني، لكن اكتشفت إنه كان بيستغل نجوميتي عشان المكان اللي كان فيه".
