ندى عفيفي: «لوسي ضربتني وشتمتني أمام الجمهور»
خرجت الفنانة ندى عفيفي بعد الفنان تامر فرج لتكشف عن تفاصيل تعرضها للضرب والشتم من الفنانة لوسي خلال مشاركتها معها في مسرحية الحفيد.
ونشرت ندى عفيفي على حسابها الشخصي بموقع التواصل الاجتماعي فيس بوك منشور تحكي فيه تفاصيل الأزمة، حيث كتبت: "هخرج عن صمتى وأتكلم وانا مرفوعة الراس ومش هتكسف أقول اللى حصل معايا فى عرض الحفيد ،اولا بأكد كل معلومه اتكلموا فيها زمايلي من انتهاكات حصلت فى حقنا وكان سببها الفنانة لوسي بل بالعكس فى حجات كتير وتفاصيل كتير متقالتش، وعايزة أقول احنا مكناش ساكتين ضعف أو تهاون فى حقوقنا أبدا بالعكس احنا كنا ساكتين احتراما للتحقيقات اللى كانت بتحصل والقائمين عليها وحب فى سمعه عرض الحفيد والمسرح القومى بالرغم من تصريحات الفنانة لوسي فى برنامج الأستاذة لميس الحديدى واللى كانت كلها افتراءات وتخلو تماما من أى شئ من الصحة".
وأضافت: "الواقعه اللى تخصنى وهى أن الفنانه قامت بضربى وشتمى أمام الجمهور بالفعل مما اصابنى بالذهول وسابتنى على المسرح وخرجت وما كان مني الا انى احترمت المسرح القومى والجمهور الغالى وزمايلي وكملت شغلى لكن فور خروجى من على المسرح اصابتنى نوبه انهيار ومع ذلك كملت العرض زى اى فنان محترم وبيحترم شغله والخشبه اللى واقف عليها".
وتابعت: "دخلنا المشهد اللى بعده مسكتني وعنفتني تاني أمام الجمهور وانا فى منتهى الذهول من العبث اللى بيحصل من فنانه كبيرة كان عندى أمل أننا نتعلم من خبرتها الفنيه وان تحتضن هى مشاكلنا بدلا من افتعالها".
واستكملت: "خلصت ليله العرض وما كان من استاذ ايهاب فهمى مدير المسرح القومى كل التقدير لشخصه الا كل احتواء لنفسيتى وجبر خاطرى ووعدى بأنه قام باللازم مع الفنانه لوسي وان حقى هييجي وانا مازلت حتى الآن اشكره لدعمنا واحترامه لفننا وبعدها توقف العرض والى باقى الأحداث اللى انتوا تعرفوها".
واختتمت: "المخرج يوسف المنصور وعدنى أن اللى حصل ده مش هيعدى وكان مساندنى وكنا هنكمل العرض لكن الاستاذه فاجئتا أنها لم تحضر ولم تهتم ببروفه حددها المخرج وبعدها فوجئنا بأنها مقدمه شكوى فينا كلنا بلا استثناء لسعاده وزيره الثقافه".
