مرتضى منصور لـ الرئيس السيسي: «محمود الخطيب بيلعب بالنار ومفيش منه فايدة» - فيديو

وجه المستشار مرتضى منصور، رئيس نادي الزمالك، نداءً عاجلًا إلى الرئيس عبد الفتاح السيسي، قائلًا: "محمود الخطيب مش قادر يتحمل المسئولية، وهيولع البلد، محمود بيلعب بالنار، ومفيش منه فايدة".

وأضاف مرتضى منصور، خلال حديثه على قناة الزمالك: "الموضوع عدى الأندية والصفقات، إحنا داخلين على مرحلة محل حرب أهلية بين جماهير الأهلي والزمالك".

وتابع: "عمرنا ما دخلنا على صفقة بياخدها الأهلي، أو لاعب عقده مستمر مع النادي الأهلي، وكل التاريخ بيقول كده، وده الوضع الطبيعي، النادي الأهلي مولع البلد من ساعة ما جه محمود الخطيب".

وأكمل: "لو حد عنده ضمير يعرض الكلام ده على سيادة الريس، البلد داخله على فتنة رياضية لا يعلم مداها إلا الله".

ورد مرتضى منصور، على قرار اتحاد الكرة، برئاسة جمال علام، إيقاف التعامل معه، وإحالة تجاوزاته إلى لجنة الانضباط.

وقال مرتضى منصور: "أنا هخرب بيتك وهحبسك يا جمال علام أنت واتحاد الكرة".

وأضاف: "أنت ولجنتك يا علام متخلونيش أقول مين اللي جايبكوا عشان هتبقى فضيحة".

وتابع: "بلاش تلعبوا مع الأسود، أنا مرتضى منصور وكلامي هيبقى في المحكمة، مش هرد عليكوا دلوقتي".