شيرين عبد الوهاب تحيي حفلًا في السعودية 4 مايو

تحيي الفنانة شيرين عبد الوهاب حفلًا غنائيًا في المملكة العربية السعودية، وذلك يوم الخميس الموافق 4 مايو.

ومن المتوقع أن تقدم شيرين عبد الوهاب باقة متنوعة من أجمل أغنياتها التي يحبها الجمهور ويتفاعل معها.

وعلى صعيد آخر حرص إيهاب صالح مدير أعمال الفنانة شيرين عبد الوهاب على طمأنة الجمهور عليها بعد سقوطها على مسرح حفلها في دبي أمس الجمعة.

وكتب إيهاب صالح مدير أعمال شيرين على حسابه الشخصي بموقع التدوينات القصيرة تويتر: "جمهور شيرين أنا دايمًا عارف أنكم سند وضهر ليها.. بس عمري ما كنت أتخيل أنكم بالحجم والعظمة دي بجد ما شاء الله.. عايز أطمنكم إن شيرين بخير.. وخرجت من المستشفى بعد شوية فحوصات وإشاعات على رجليها.. بعد ما تحاملت على نفسها عشان تكمل الحفل بنجاح.. شكرًا بجد على كل الحب والدعم ده".

وتابع: "شكر كبير جدًا لدولة الإمارات وإمارة دبي على واحدة من أعظم حفلات شيرين على الإطلاق.. وده بشهادة الجمهور العظيم والرهيب اللي كان حاضر امبارح وطبعًا أكيد حابب أشكر جدًا شركة moments على التنظيم الرائع والمحترم وكرم الضيافة".

وأضاف: "أخيرًا بقى بالنسبة للمفاجآت اللي وعدتكم بيها قبل الحفل، خليكم واثقين إن اللي جاي كتير جدًا وحفلات في كل حتة إن شاء الله.. ومش هنهدى بأي شكل عشان شيرين عندها طاقة وحماس ملهمش آخر.. ووعد مني إن شاء الله نعوضكم".

واستكمل: "آخر وأهم حاجة هي للناس اللي بتجرح بالكلام وحديث عن النبي محمد صلى الله عليه وسلم: "لا يستقيم إيمان عبد حتى يستقيم قلبه، ولا يستقيم قلبه حتى يستقيم لسانه".