شيرين عبد الوهاب: «حسام حبيب سندي وضهري وأهلي كلهم»

غازلت الفنانة شيرين عبد الوهاب زوجها حسام حبيب بتصريحات رومانسية مؤكدة على أنه يدعمها بشكل دائم.

وقالت خلال لقاء لها مع برنامج et بالعربي: "حسام حبيب بيدعمني دايما ودايما بقول له ربنا يخليك ليا وتفضل جنبي كده على طول، انت سندي وضهري وحبيبي وكل الناس ليا، هو أهلي كلهم».

كما أعلنت شيرين عبد الوهاب عن تعاون جديد يجمعها مع زوجها الفنان حسام حبيب في أغنية جديدة، وقالت: "إن شاء الله فيه تعاون مع حسام".

وأضافت: "وعشان نطلع حاجة حلوة وفن حلو أكيد بياخد وقت، فإحنا كنا بنتعب عشان نطلع أغاني حلوة تليق بالناس، وتليق بإننا نعمل ده مع بعض تاني، وتكون مختلفة وجديدة وهو زي القمر عماله أعاكسه من الصبح وبيتكسف".