زوجة حسن شاكوش تقاضي شقيقه: «شتمني وهددني»
أكدت هايدي الفضالي محامية ريم طارق زوجة حسن شاكوش، أنها ستقاضي شقيق مطرب المهرجانات، بعدما أرسل لـ موكلتها ووالدها العديد من التهديدات والشتائم.
وتابعت هايدي الفضالي خلال مداخلة هاتفية مع الإعلامية أميرة بدر ببرنامجها "ملفات"، المذاع على شاشة "هي": كان فيه ابتزاز بالحقوق، لموكلتي، ولفق ليها سرقة وتزوير، قال إن هو خرج وسرقت مبلغ مالي، كل إدعاء له مذكرة هتتقدم بالدليل المضاد، ولو هي عملت كده ينفع يطلع يقول على مراته كده.
واستكملت محامية ريم طارق زوجة حسن شاكوش: على فكرة لغاية امبارح بليل ريم بتقول إزاي المذكرة مكتوب فيها كده، وطردها من غير هدومها التانية وكانت لابسة طبعًا، واللي عمل كده يعمل أي حاجة، محدش طبيعي يطرد مراته من البيت، مش ملف حسن وريم بس، وهي دلوقتي عرضه، تخصه أكتر ما تخص أبوها، الكلام اللي بيتقال ضده هو.
واختتمت هايدي الفضالي حديثها: أنا النهاردة سألت حسن في التحقيق سؤال مباشر هل هو كان عارف إن هي متزوجة قالي لا، والقصة باينة للأعمى، ده كلام يتقال حتى، هاخد إجراء ضد شقيق حسن شاكوش، علشان بعت شتايم تهديد لها ووالدها، مباحث الإنترنت هياخدوا فلاشة فيها شتيمة لحسن وريم ونص نساء مصر.
