مدير أعمال شيرين عبد الوهاب يوجه رسالة لجمهورها.. تفاصيل

تحدث إيهاب صالح مدير أعمال الفنانة شيرين عبد الوهاب عن حقيقة خلافها مع صوت مصر أنغام، وذلك بعد تصريحات شيرين الأخيرة، والتي أثارت جدلًا كبيرًا.

وغرد إيهاب صالح على حسابه الشخصي بموقع التغريدات تويتر، كتب فيها: "هام لكل جمهور شيرين وأنغام، شايف بقالي كذا يوم كلام كتير رايح جاي في قصة الالقاب و مين صوت مصر ومعركة كلامية داخلة في منطقة مش لطيفة خالص أنا الحمد لله علي علاقة قوية ب النجمتين بقالي آكتر من ١٥ سنة وكل الوسط يعرف ده كويس جدا".

وتابع: "شيرين بتحب أنغام وبتحترمها من زمان وأنغام طبعا بتبادلها نفس الاحساس، كل الكلام والاشاعات العجيبة إن أنغام ورا مشاكل حسابات شيرين علي السوشيال ميديا ده كلام ملوش أي صحة من الأساس وأنا في المطبخ وعارف كويس جدا إيه سبب المشكلة".

وأضاف: "من حق جمهور كل نجمة يغير ويحب نجمته ويدافع عنها بس طبعا من غير غلط وتجريح عشان إحنا ارقي من كدة. خلاصة الكلام شيرين وأنغام دول اصوات مصر وقيمة كبيرة عندنا وفي الوطن العربي استهدوا بالله كدة ".