«4 ساعات فيها كل مشاعر الدنيا».. خالد سليم يحتفل بتخرج ابنته

نشر الفنان خالد سليم، صورة على حسابه الرسمي بموقع تبادل الصور والفيديوهات إنستجرام، وهو بيحتفل بتخرج ابنته الكبيرة نور.

وظهر خالد سليم في الصورة برفقه ابنته، وكتب: "النهاردة .. كان يوما مميزا جدا ليا .. اختلطت مشاعري بشكل غريب .. بشكل عمره ما حصلي في حياتي كلها .. رغم إني ممكن في ألبوم واحد أغني أكتر من حالة و مشاعري تكون مختلفة مع كل لحن .. أو إني أدخل في فيلم أو مسلسل و الشخصية يكون فيها اختلاف في المشاعر في كل مرحلة .. بس الحقيقة النهاردة أنا عيشت 4 ساعات مليانين سعادة و خوف و فخر و دموع و محبة و شجن .. حفلة تخرج بنتي الكبيرة نور".

وتابع: "كنت سعيد إنها وصلت للمرحلة دي بكل نجاح.. و كنت خايف عليها طول ما أنا شايفها بتتحرك قدامي .. و فخور بيها و بمحبة الكل ليها و شخصيتها الحلوة .. و دموعي و المحبة و الشجن كانوا بسبب الحالة اللي كل الطلبة و المدرسين و العاملين في المدرسة كانوا فيها .. إن الدفعة دي هيمشوا و يسيبوا المدرسة و يبدأوا مرحلة جديدة .. ألف مبروك يا نور على النجاح و التفوق و التخرج .. و اعرفي اني دايماً فخور بيكي .. يا حب عمري".

يذكر أن آخر أعمال خالد سليم، مسلسل "حكايات الماميز" بطولة الفنانة دينا فؤاد، وليد فواز، هبه عبد الغني، نورهان، رباب ممتاز، أماني كمال، والإخراج ل أحمد صالح، وسيناريو وحوار مى سعد، ريم يوسف، سمر طاهر، ودعاء عبد الوهاب أشرفت على الكتابة.