محمد رمضان: «المنطقة الشعبية بتديك العمر الأطول.. وطموحي أوصل للهرم السكاني كله»
حل النجم محمد رمضان، ضيفا على برنامج ضيفى، الذى يقدمه الإعلامى معتز الدمرداش، عبر شاشة الشرق، وكشف من خلاله العديد من التفاصيل.
قال محمد رمضان: الجمهور هو اللى إدانى إشارة إنه حب أغنية نمبر وان، اللى عملتها، واللى عمل مسلسل الأسطورة وابن حلال ونسر الصعيد وقلب الأسد ينفع يعمل أغنية اسمها نمبر وان، ومفيش مغنى بيغنى للذات، المهندس والدكتور والنجار هيبقى حابب يسمع أغنية نمبر، ولقب نمبر وان بقى براند وبشكر سوق الإعلانات فى مصر اللى من خلاله درست التسويق وعجبنى الفكرة.
وأضاف رمضان: مش مؤمن طبعا بلقب نمبر وان، لقب نمبر وان للتسويق وبتعامل إنى علامة تجارية، وأنا منتج يمكن تقديمه بيبيع فى السينما وفى المسرح وفى الدراما وبجيب إعلانات، ومفيش ولا فنان عربى عنده على يوتيوب 5 مليار مشاهدة، أنا عندى 5 مليار و100 مليون وعلى تيك توك عندى 9 مليار.
واختتم محمد رمضان: "وأنا صغير كنت بقرأ آية وأما بنعمة ربك فحدث، فكنت فاكر معنى حدث يعنى طور ولكن عرفت معناها إنى أتحدث وأقول، والحمد لله قدرت أوصل للطبقات اللى كانت بترفض محمد رمضان تماما، والطبقة الشعبية مميزاتها إنها بتديك العمر الأطول، ودلائل النجاح الأكبر على أرض الواقع، وطموحى إنى أوصل للهرم السكانى كله".
