أحمد العوضي: «ياسمين لما بتسافر ببقى براحتي وبعمل كل حاجة بحبها»
حل الفنان أحمد العوضى، مساء أمس، ضيفا ببرنامج صاحبة السعادة، مع الإعلامية الكبيرة إسعاد يونس، وكشف العديد من كواليس علاقته بزوجته النجمة ياسمين عبد العزيز.
وقال أحمد العوضى أنه كان يتعامل بعصبية كبيرة مع ياسمين عبد العزيز فى بداية الزواج قائلا: "فى أول الجواز كنت عصبى جدا وكنت واخد الموضوع كله إنى هفرض شخصيتى وسيطرتى، ومع الوقت فهمت إن الموضوع شراكة بين إتنين، ومش عيب إن الراجل ياخد الرأى الصح".
وتابع العوضى: فى الأول ممكن تحصل مشكلة وتحكوا لحد، وممكن تبقى عايز تصالح، ومفيش كرامة بين المحبين، الكرامة ديه تأتى بسبب تدخل بعض الأفراد فى العلاقة، وأنا وياسمين فى السنين اللى عشناها تكيفنا مع بعض.
وأعلن أحمد العوضى عن شعوره الحقيقى فى غياب زوجته ياسمين عبد العزيز قائلا: مش بنبسط لما ياسمين تبعد عنى، بس لما بتسافر ببقا براحتى قوى، بشغل التلفزيون براحتى وبعلى الصوت، وبلعب بلايستيشن براحتى، ومافيش حد أنا خايف على مضايقته، ولما بتوحشنى، بكلمها على طول اقولها إنتى فين، ارجعى.
