أورتيجا لـ عمرو مصطفى: «مينفعش تتهمنا بالسرقة وانت بتنحت ألحان واحنا فاهمين»
علق مؤدي المهرجانات أورتيجا على تصريحات الفنان عمرو مصطفى، والتي اتهم فيها مؤدي المهرجانات بسرقة ألحانه، إذ قال: "أنا عندي خناقة معاه وقلت له احنا عندنا جمهور يسفلت".
وتابع خلال لقائه ببرنامج "سبوت لايت": "عمرو مصطفى له كل الاحترام ومش معنى إن حد سرق منه لحن أو لحنين يجمع ويشملنا كلنا بأننا سارقين منه، احنا ناس فاهمين ودارسين وصناع مزيكا وفيه ناس كبيرة في الصناعة بنعمل لهم توزيع ولحن وكلمات والأغنية بتنزل بتكسر الدنيا وبتجيب نفس المشاهدات والملايين اللي هو بيحققها".
وأضاف: "اللي سرق منه لحن يرفع عليه قضية بس ما ينفعش يقول كل الناس اللي نجحت نجحوا على السرقة، كلها بتسرق حتى أنت كمان بتنحت واحنا فاهمين كل حاجة وهارشينه، أنا كنت بحبه دلوقتِ لأ لإن احنا مش حرامية، وحاولت أوصل لعمرو مصطفى ما عرفتش بس لما سيرته بتيجي برة بنكون متشرفين به، لكن مش عارف ليه اتحول ضدنا واتهمنا بإننا حرامية".
